¿Que é o Corpo Oficial de Periciais, o COP?
O Corpo Oficial de Peritos (COP) é o conxunto dos enxeñeiros e enxeñeiras habilitados para exercer como perito informático. O Colexio Profesional de Enxeñaría en Informática de Galicia mantén unha lista única de peritos que se pon a disposición dos axentes xudiciais.
Os peritos poden desempeñar os seguintes perfís:
- Perito de parte: en procesos xudiciais, é o perito contratado por unha das partes. O perito e o seu informe son elementos de proba con validez xurídica.
- Perito xudicial: en axuda da Xustiza, é chamado por xueces ou maxistrados. O perito aporta unha opinión profesional cualificada e independente no esclarecemento de feitos ou obxectos relacionados coa informática.
Os peritos que forman parte do COP están suxeitos a Directriz 1005.3: Creación e funcionamento do corpo oficial de peritos. Esta directriz garante o cumprimento do código de conducta de tódolos peritos.
Como solicitar unha peritaxe
Se precisa os servizos dun perito pode poñerse en contacto coa Comisión de Peritaxes e Arbitraxes a través do deste formulario.
Marco legal
O colexio de enxeñaría en informatica, por existiren, ten obriga de crear e xestionar o seu Corpo Oficial de Peritos. O CPEIG recolle nos seus Estatutos, que unha das funcións propias é cooperar coa Administración de Xustiza e organismos oficiais.
O CPEIG coopera na designación de colexiados ou colexiadas que puidesen ser requiridos para a realización de informes, ditames, taxacións, peritaxes ou calquera outra actividade profesional.
O Artigo 340 da Lei 1/2000, de 7 de xaneiro, de enxuizamento civil recolle as seguintes condicións para os peritos:
-
Os peritos deberán posuír o título oficial que corresponda á materia obxecto do ditame e á natureza deste. Se se tratare de materias que non estean comprendidas en títulos profesionais oficiais, haberán de ser nomeados entre persoas entendidas naquelas materias.
-
Poderá así mesmo solicitarse ditame de Academias e institucións culturais e científicas que se ocupen do estudo das materias correspondentes ao obxecto da pericia. Tamén poderán emitir ditame sobre cuestións específicas as persoas xurídicas legalmente habilitadas para iso.
-
Nos casos do apartado anterior, a institución á que se encargue o ditame expresará á maior brevidade que comparece ou persoas encargaranse directamente de preparalo, ás que se esixirá o xuramento ou promesa previsto no apartado segundo do artigo 335.
O Artigo 457 da a Lei de 1882 de enxuizamento criminal recolle o seguinte:
"Os peritos poden ser ou non titulares. Son peritos titulares os que teñen título oficial dunha ciencia ou arte o exercicio da cal estea regulamentado pola Administración. Son peritos non titulares os que, carecendo de título oficial, teñen, non obstante, coñecementos ou práctica especiais nalgunha ciencia ou arte."
Así mesmo, o Artigo 458 da a Lei de 1882 de enxuizamento criminal recolle o seguinte:
"O Xuíz valerase de peritos titulares con preferencia aos que non tivesen título."
Independementemente de toda as cuestións descritas anteriormente, as peritaxes informáticas constitúen unha oportunidade profesional á que se pode optar como colexiado ou colexiada do CPEIG.
Requisitos para pertencer ao Corpo Oficial de Peritos
A pertenza ó COP é un servizo que unicamente se ofrece a colexiadas e colexiados.
Aqueles interesados en formar parte do COP deberán cumprimentar o formulario de alta no Corpo Oficial de Peritos. Ó seren membros do COP estarase suxeito á Directriz 1005.3: Creación e funcionamento do corpo oficial de peritos, na cal se establecen as normas deste corpo.
Membros do Corpo Oficial de Peritos do CPEIG
A continuación publicase o listado onde poderá consultar a lista do Corpo Oficial de Peritos do vixente ano.
Os datos persoais contidos neste listado non se poden utilizar con fins de publicidade ou prospección comercial.