Ambas entidades organizarán conxuntamente eventos de interese común

O Colexio Profesional de Enxeñaría en Informática de Galicia (CPEIG) asina un convenio de colaboración coa Fundación Universidad Intercontinental de la Empresa (UIE) para que as colexiadas e colexiadas da entidade teñan acceso a unha formación axeitada nos programas educativos da UIE. O acordo foi asinado polo presidente do CPEIG, Fernando Suárez Lorenzo, e o decano da Facultade de Enxeñaría e Tecnoloxía Empresarial da UIE, Eladio Dapena González.

O cadro de persoal do CPEIG, así como persoas directamente relacionadas co Colexio, terán bonificacións nos gastos de matrícula de todos os programas de formación executiva e sobre os gastos de programas de grao e posgrao impartidos pola UIE. Ademais, ambas entidades organizarán conxuntamente eventos de interese común.

Tamén no acordo, dun ano de vixencia, estipúlase que o CPEIG difundirá entre os seus membros as distintas convocatorias da oferta formativa da UIE. E pola súa parte, a UIE fará partícipe de forma activa ao cadro de persoal do CPEIG nos actos de presentación das súas actividades formativas, ben sexan charlas, conferencias ou talleres.