Os membros do xurado do concurso de postais de Nadal organizado polo Colexio Profesional de Enxeñaría en Informática (CPEIG) acordou, por unanimidade, premiar o traballo presentado por Iria Iglesias Lema. O  premio consiste nunha tableta de 10 polgadas. 

A postal de Iria Iglesias, de 5 anos de idade, representa unha escena de xogos na neve dun grupo de nenos e nenas.  O traballo de Iria será a postal  oficial coa que o CPEIG felicitará as festas do Nadal este ano. A colexiada que presentou a cativa ao certame é Isabel Lema Lago. 

O xurado do concurso estivo constituído polo vicepresidente do CPEIG, Juan Otero Pombo; o secretario, Juan José González Cid;  o presidente, Fernando Suárez Lorenzo, e os colexiados Antón Campos, Miguel A. Molinero e Ángel Fernández.

Parabéns para Iria e felices festas para tod@s!