AGBO Business Architecture convértese en nova entidade colaboradora do Colexio Profesional de Enxeñaría en Informática (CPEIG) despois da sinatura dun acordo de colaboración entre ambas as dúas entidades. O texto do convenio foi rubricado por Adriana Gonçalvez Botelho, en representación de AGBO, e o presidente do CPEIG, Fernando Suárez Lorenzo.

En concreto, AGBO comprométese a ofrecerlles descontos especiais ás colexiadas e colexiados coas seguintes condicións:

• 50% nos cursos online 
• 10% nos cursos presenciais e a distancia. 

O convenio é aplicable aos cursos de formación publicados na seguinte ligazón: http://agbo.biz/category/tech/ e nos seguintes casos:

• Cursos presenciais no Centro de Formación AGBO Training: formacións intensivas dunhas 20 horas de duración, en formato fin de semana.
• Cursos online: videocursos que figuran entre os máis vendidos en todo o mundo na súa categoría e en idioma castelán. 
• Cursos a distancia (Aula Virtual) :  séguense as explicacións do profesor, como se se tratase dunha videoconferencia.

O xeito de obter o desconto será mediante o envío dunha solicitude ao correo electrónico  cursos@agbo.biz co asunto "Desconto CPEIG"; unha vez confirmado o pago, considerarase como alumno ou alumna AGBO e enviarase o acceso á plataforma ou se confirmará a praza para a versión a distancia ou presencial da acción formativa.