O xurado do concurso de postais de Nadal organizado polo Colexio Profesional de Enxeñaría en Informática de Galicia (CPEIG) acordou premiar o traballo presentado por Laura Giz. O premio que recibirá a nena é unha tableta de 10 polgadas.
A postal de Laura Giz , de 7 anos de idade, combina a simboloxía máis tradicional do Nadal con elementos característicos da Informática. O debuxo de Laura será a postal oficial coa que o CPEIG felicitará as festas do Nadal este ano. O colexiado que presentou a cativa ao certame é Antonio Giz.
O xurado do concurso estivo integrado polo colexiado Alberto Carreras e os membros da Xunta de Goberno Xavier García Tobío, vogal; Iván Luis Vázquez, vogal; Roberto Vieto, vicesecretario; e Lorena Otero, vicetesoureira.
Parabéns para Laura, que se divirta coa tableta, e bo Nadal para tod@s!