O colexio Tirso de Molina de Ferrol acolleu o día 18 de marzo unha charla do presidente do Colexio Profesional de Enxeñaría en Informática de Galicia (CPEIG), Fernando Suárez Lorenzo, para explicarlles ás rapazas e rapaces os estudos e saídas laborais de Enxeñaría en Informática.
Baixo o título de "Enxeñaría en Informática: unha profesión de futuro", o representante do CPEIG achegoulle ao alumnado do centro ferrolán os seguintes datos, extraídos do "Informe sobre a situación laboral das enxeñarías en Informática", elaborado coa colaboración da Amtega e o CPETIG:
- O 91,77% dos enquisados está traballando.
- Media de 2,46 meses para encontrar o primeiro emprego.
- 79,35% de contratos indefinidos.
- Principal exercicio profesional: elaboración de proxectos informáticos (43, 78% do total)
- Principais competencias: capacidade de aprendizaxe e adaptabilidade
- Satisfacción coa formación recibida: 3,37 puntos sobre un total de 5.
- Principal motivación: vocación para os homes e saídas laborais no caso das mulleres.
- Tramo salarial más común: 18.000€-30.000 € brutos ao ano.
Como factores atractivos para decantarse polos estudos de Enxeñaría en Informática, Suárez Lorenzo destacou "a vocación, o prestixio social e as expectativas laborais".