A "consellera de Justícia", Montserrat Tura, explicou que a xuíza que mantivo detido por erro ao fundador do servizo de internet Tinet e profesor da Universitat Rovira i Virgili (URV), Manel Sanromà, durante 28 horas o pasado mes de abril, non ten "suficiente confianza nos sistemas informáticos modernos" e por iso, débeselle ensinar.
A "consellera" fixo estas declaracións ao ser preguntada por Carles Sala, de CiU, na a Comissió de Justícia, Dret i Seguretat Ciutadana.
O arresto produciuse o 20 de abril nun hotel de Cornellà (Baix Llobregat) a pesar contra Sanromà unha orde de busca, captura, detención e ingreso en prisión por un erro informático. Ao parecer, ao introducirse no sistema informático a orde de busca e ingreso en prisión, un funcionario dos Mossos tecleou un código de forma errónea, o que levou á máquina a identificar o delicuente que había que buscar e deter coa identidade de Manel Sanromà. Sanromà non fora detido nunca e o seu nome figuraba ao impoñer unha denuncia.
Malia que Sanromà afirmaba que el non fora detido, a xuíza Mercedes Arbós, que estaba de garda, decidiu prolongar o arresto, xa que quería contrastar co xuíz titular uns datos do ordenador, dos que non se fiaba, e como era domingo esperou ao luns.
Tura explicou que a orixe do problema foi que na introdución de datos no 2001 se confundiu un dous por un oito. Así mesmo, explicou que telefonou ao profesor Sanromà para pedirlle desculpas.