Hoxe venres remitíronse nas diferentes comunidades autónomas senllas peticións á Vicepresidencia do Goberno, ao Ministerio de Industria, Turismo e Comercio e aos diferentes grupos parlamentarios no Congreso e no Senado para a creación dos Consellos Xerais de Colexios Profesionais de Enxeñeiros e Enxeñeiros Técnicos en Informática.
Coa intención de contribuír a buscar solucións ao problema xeral que afecta a un colectivo de máis de 200.000 persoas, xunto á petición foi redactado ademais o articulado da Lei que situaría á Enxeñaría e Enxeñaría Técnica Informática en igualdade de condicións co resto de enxeñarías de cara á adaptación dos estudios|estudos universitarios ao novo Espazo Europeo de Educación Superior.
A xuízo dos colexios profesionais, a regulación pode ser canalizada por dúas vías paralelas e non excluíntes: A regulación do título profesional, a súa representación institucional e a súa consideración para os efectos de elaboración das fichas académicas, por un lado, que pode ser resolta con inmediatez a través da proposta presentada; e a regulación das actividades profesionais (atribucións), cuestión esta que pode ser abordada a través da transposición da Directiva 2006/123/CE, de Servizos.
Así mesmo, os diferentes colexios profesionais agradecen a disposición de todos os interlocutores con quen se tratou a problemática da enxeñaría e enxeñaría técnica informática, pero entenden que a través desta solicitude, e da resposta que todos eles dean, chega o momento de pasar das boas palabras os feitos concretos.