O vindeiro día 24 de abril conmemórase o Día Internacional das Rapazas nas TIC (Girls in ICT Day). A International Telecommunications Union (ITU) promove a celebración a prol dunha contorna global que apoie as rapazas para que estas teñan en conta as carreiras do eido das Tecnoloxías da Información e a Comunicación.
O CESGA promove e coordina o Proxecto Europeo "ICT-GO-Girls!, Promoción do emprendemento das rapazas de secundaria a través das TI", que se dirixe ás mozas de entre 12 e 14 anos de idade para proporcionarlles unha imaxe máis atractiva do mundo do emprendemento tecnolóxico e lograr, así, unha maior presenza feminina no eido das TIC.
Ao abeiro dese proxecto, o CESGA organizará a xornada, na que tamén colabora o CPEIG. O acto previsto vai dirixido a dar visibilidade ao colectivo de mulleres emprendedoras no eido das TIC e constitúe un espazo de intercambio e comunicación entre elas e as rapazas e rapaces dos institutos de Secundaria de Galicia.
Programa provisional
Preside: Susana López Abella, Secretaria Xeral de Igualdade
10:00 Benvida: Director do Centro de Supercomputación de Galicia
10:05 As rapazas, emprendemento e as TIC. (Consellería Educación, pendente confirmar persoa)
10:10 O papel da muller na modernización tecnolóxica de Galicia. (Mar Pereira, Directora da AMTEGA)
10:15 O proxecto ICT-Go-Girls! Experiencia tras un ano de proxecto. (María José R. Malmierca, CESGA)
10:20: Mensaxes en vídeo de mulleres relevantes do ámbito español no mundo das TIC, altas executivas de Fujitsu, Siemens, IBM e HP.
10:25-10:55 Visión e experiencia de catro mulleres galegas emprendedoras nas TIC:
- Alba Souto, co-fundadora de BAMPIFU (http://bampifu.com/)
- Ángeles Pariente, xerente de A2, Laboratorio de Ideas (www.a2laboratoriodeideas.com)
- Cristina Gamallo, Socia Fundadora SITUM (www.situm.es)
- Susana Ladra, Vicedecana de Organización Académica, Fac. Informática da UDC e investigadora. Premio Ada Byron do CPEIG 2013 (http://lbd.udc.es/ShowResearcherInformation.do?id=113)
11:00 Preguntas e comentarios por parte do alumnado dos centros de secundaria participantes, conectados por videoconferencia.
- CPI O Cruce, Cerceda
- IES Rosalía de Castro, Santiago de Compostela
- IES Ribeira do Louro, O Porriño
- IES A Sardiñeira, A Coruña
- Tesdai (FP), Santiago de Compostela
- Colexio Montespiño, A Coruña
- IES Pedro Floriani, Redondela
- IES Nº1 de Ribeira, Ribeira
- IES Poeta Díaz Castro, Guitiriz
- CPI Vicente Otero Valcárcel, Carral
- IES Republica Oriental de Uruguay, Vigo
- IES San Clemente, Santiago de Compostela
- CPI Viano Pequeno de Trazo, Viaño Pequeno (A Coruña)
11:30. Peche do acto. Secretaria Xeral de Igualdade.