O CPEIG participará nunha mesa redonda na V Edición do Congreso Español de Informática -que se celebrará do 13 ao 16 de setembro na cidade de Salamanca- a través do seu presidente, Fernando Suárez, quen tamén é vicepresidente do Consejo General de Colegios Profesionales de Ingeniería Informática (CCII).
O encontro está estruturado en formato multi-congreso ecobre todos os campos nos que na actualidade incide a informática. A presente edición do CEDI está organizado pola SCIE e o grupo de investigación BISITE da Universidade de Salamanca.
O congreso CEDI ten, como principal obxectivo, servir de marco de encontro para profesionais que se dedican preferentemente á investigación, desenvolvemento, innovación e ensino universitario dentro do ámbito da enxeñaría informática.
Actualmente, os eventos que se enmarcan dentro do CEDI 2016 son:
- XXXII Congreso da Sociedade Española do Procesamento da Linguaxe Natural (SEPLN 2016) http://www.congresocedi.es/sepln
- Xornadas SARTECO 2016 (Sociedade de Arquitectura e Tecnoloxía de Computadores) http://www.jornadassarteco.org/
- XXVI Congreso Español de Informática Gráfica (CEIG 2016) http://ceig2016.unizar.es/
- XXI Xornadas de Enxeñaría do Software e Bases de Datos (JISBD 2016) http://www.congresocedi.es/jisbd
- XVIII Simposio Internacional de Informática Educativa (SIIE 2016) http://siie2016.adie.es/
- XVII Congresos Federados da Conferencia da Asociación Española para a Intelixencia Artificial (CAEPIA 2016) http://caepia16.aepia.org/
- XVII Conferencia Internacional sobre a Interacción Persoa-Ordenador (INTERACCIÓN 2016) http://interaccion2016.usal.es/
- XVI Xornadas sobre Programación e Linguaxes (PROLE 2016) http://prole2016.webs.upv.es/
- XII Xornadas de Ciencia e Enxeñaría de Servizos(JCIS 2016) http://jcis2016.lcc.uma.es/
- XI Congreso Español de Metaheurísticas, Algoritmos Evolutivos e Bioinspirados (MAEB 2016) http://caepia16.aepia.org/maeb-16/
- VIII Simposio de Teoría e Aplicacións de Minaría de Datos (TAMIDA 2016) http://caepia16.aepia.org/tamida-16/
- VI Simposio sobre Lóxica Difusa e Soft Computing(LODISCO 2016). http://caepia16.aepia.org/lodisco-16/
- V Simposio de Sistemas de Tempo Real (STR 2016). http://www.congresocedi.es/str
- III Xornadas de Fusión da Información e Ensembles(FINO 2016) http://caepia16.aepia.org/fino-16/
O portal oficial do congreso CEDI é http://www.congresocedi.es, pero tamén podes seguir as novidades a través de Facebook e Twitter.