O prazo de presentación das solicitudes de axuda no ano 2009 permanecerá aberto ata o 10 de novembro de 2009, ou ata que se esgote o crédito orzamentario.
As actuacións subvencionables están orientadas á adquisición de ordenadores persoais que dispoñan das ferramentas axeitadas de software libre.
Os requisitos necesarios para os gastos subvencionables son:
-
O investimento deberá incluír como mínimo os seguintes elementos:
-
Adquisición dun ordenador persoal portátil ou de sobremesa.
-
Non se considera subvencionable a adquisición de licenzas de software adicionais á subministración básica do ordenador persoal, outros periféricos (por exemplo: impresoras, discos externos, etc), ou outro tipo de terminais (axendas electrónicas, tablet PC, teléfonos móbiles, etc).
-
-
Entenderase como investimentos subvencionable os custos en que incorra cada beneficiario como consecuencia da subministración por parte dalgunha das entidades colaboradoras, sempre que a adquisición e posterior mantemento da propiedade se realice cumprindo todos os requisitos e trámites aquí establecidos.
-
En ningún caso o custo de adquisición poderá ser superior ao valor de mercado.
-
Cada solicitante só poderá ser beneficiario dunha axuda ao abeiro deste réxime de axudas.
-
En todo caso, os gastos subvencionables deberán estar realizados e efectivamente pagados con posterioridade á aprobación previa por parte da consellería.
Para acceder a esta subvención deberá tramitarse a solicitude exclusivamente a través das tendas de informática que teñan a condición de entidades colaboradoras que sexan seleccionadas pola Consellería de Innovación e Industria.