O pasado luns 18 de xullo presentouse en Madrid, o informe eEspaña 2011, informe anual sobre o desenvolvemento da Sociedade da Información, elaborado pola fundación Orange. O acto foi presidido por Juan Junquera, actual Secretario de Estado de Telecomunicacións e para a Sociedade da Información.
O informe destaca entre outras cousas, o retroceso de España en dous postos, para ocupar o posto nº 17 e perde a converxencia que alcanzou o ano anterior.
Ambas as entidades colexiais expresan que chegou o momento de pasar do cable aos servizos, consumir información a producir coñecemento, de deixar de ter como prioridade manifesta as telecomunicacións (banda ancha, a TDT, espazo radioeléctrico), e preocuparse máis pola Sociedade da Información, dos servizos ofrecidos mediante a propia banda ancha, a TDT e os propios medios de telecomunicación, en definitiva darlle a mesma importancia por parte da Secretaría de Estado citada, á Sociedade da Información que a que recibe as Telecomunicacións, claro exemplo disto, foi a supresión o pasado ano da Dirección Xeral da Sociedade da Información do Ministerio de Industria, o cal puido afectar claramente ao desenvolvemento da Sociedade da Información en España á vista do informe da Fundación Orange.
Se o que se pretende é que o tecido industrial suceda ao tecido da construción como motor de cambio en España, o avance da Sociedade da Información non debe ser deixado de lado, xa que o avance ou retroceso desta, afecta directamente á produtividade e calidade do resto da Industria.