O CPEIG convídache a participar na Enquisa de Situación Laboral do sector TI en España 2015, para que poidas compararche cos teus homólogos. Aberta até o 6 de novembro

A información é poder e para tomar decisións laborais nada mellor que coñecer como está o mercado, canto se paga polos diversos postos que podemos ocupar os profesionais do sector das tecnoloxías da información (TI), que formación ou experiencia son máis valoradas, que aptitudes necesitamos complementar para poder optar a postos de maior remuneración, etc. En resumo, este estudo é o mellor instrumento dos profesionais do sector para facer benchmarking profesional. Pero para facelo posible necesitamos a túa participación.

Tras varios anos de experiencia en diversas rexións de España, en 2014 o Consello Xeral de Colexios Oficiais de Enxeñaría en Informática (CCII) decidiu dar o salto a nivel nacional e hoxe continúa apostando por realizar o estudo unha vez ao ano para que coñezamos a evolución da nosa situación laboral. Por iso, ademais de rogarche que contestes o cuestionario, pedímosche tamén que o compartas cos teus colegas, de modo que se obteña unha gran base de datos coa que traballar.

Anímate, é anónima e só levarache 7 minutos.

Cos datos recollidos o CCII elaborará un Estudo que publicará previsiblemente durante o mes de decembro. A descarga e consulta do devandito documento será pública e gratuíta desde a Web do Consello e os Colexios participantes.