Os premios entregáronse nun acto celebrado no Centro GaiásTech da Cidade da Cultura
O CPEIG e a Xunta de Galicia impulsan esta iniciativa, no marco do programa ‘Techkids’
O Colexio de Enxeñaría en Informática de Galicia (CPEIG) e a Xunta de Galicia, a través da Axencia para a Modernización Tecnolóxica de Galicia (AMTEGA), entregaron o venres, 25 de outubro, os premios ‘Argallando.gal’, iniciativa desenvolta este ano dentro do programa de fomento de vocacións tecnolóxicas entre a rapazada ‘Techkids’, baixo o lema deste ano ‘Argallando entre xeracións’. O acto celebrouse no Centro GaiásTech da Cidade da Cultura en Santiago e contou coa asistencia dos premiados e representantes do CPEIG –o vicesecretario Roberto Vieito, o secretario Juan José González, e o vogal Iván Luis Vázquez– e da AMTEGA.
Na procura da colaboración interxeracional para a resolución de diferentes retos tecnolóxicos, desenvolvéronse 28 sesións de ensinanza tecnolóxica (de deseño e impresión 3D, programación, robótica, drones e realidade virtual), dirixida a rapaces e rapazas de entre 12 e 18 anos , entre os meses de setembro e outubro polas diferentes aulas CeMIT de Galicia que voluntariamente solicitaron participar e no GaiásTech, así como a organización do concurso de proxectos.
Os equipos participantes no certame desenvolveron proxectos creativos nos que se fusiona a cultura máis ancestral coa tecnoloxía máis vangardista, aportando diferentes puntos de vista e coñecementos segundo as súas idades. Outorgáronse premios nas seguintes categorías:
• XIGANTE ARGALLEIRO: Aquel proxecto que, con carácter global, destaque sobre os demais polo seu enfoque, nivel de execución e creatividade.
• NUBEIRO TECH: Aquel proxecto que empregue a tecnoloxía como eixo principal dunha forma especialmente interesante ou que sobresaia pola súa complexidade técnica.
• ÁRBORE SENLLEIRA: Aquel proxecto que resulte da colaboración interxeracional entre participantes de idades moi diferentes e que pertenzan a diferentes xeracións (por exemplo pais e fillos, avós e netos, irmáns, familiares, profesores e discentes, etc.).
• PROXECTO SEREA: Aquel proxecto que, ben polos seus contidos, ben pola súa presentación, logre transmitir dun xeito máis didáctico e atractivo algún elemento da cultura galega.
• E-TRASNADA: Aquel proxecto que consiga sorprender por exceder o inimaxinable.
|
CATEGORÍA |
EQUIPO E PROXECTO |
AULA CeMIT |
PROCEDENCIA |
Nº E NOME DOS INTEGRANTES |
RESPONSABLE |
|
Xigante Argalleiro |
Maximiño (Miño en Xogo) |
Fisterra |
A Coruña |
5 (Carla Martínez Suárez, Carla Miñones Santos, Constanza Muíño Fuentes, Emmanuel Villar Deus, Leticia Vázquez Castiñeira) |
Fina Paulos Lareo |
|
Nubeiro Tech |
Os Medulianos (O vencedor Breográn) |
Castrelo de Miño |
Ourense |
3 (Marcos Suárez Gil, Gabriel González Pinal, Oliver García Méndez) |
Marta González Pérez |
|
Nubeiro Tech |
Uxía Martínez (Admiración pola nosa cultura) |
Catoira |
Catoira |
1 (Uxía Martínez Campaña) |
Ana Belén Campaña |
|
Arbore Senlleira |
Fabían González (Meiga Gañadora) |
Cuntis |
Cuntis |
1 (Fabián González Castro) |
Mónica Castro Barros |
|
Arbore Senlleira |
Equipo ALA (A Lenda da torta de millo) |
Guitiriz |
Guitiriz |
3 (Adriana García Losada, Aitor García Losada, Lucía Santos Abad, Isabel Perez Castedo -persoa maior) |
Ana María Pérez Martínez |
|
Arbore Senlleira |
Adrián Montero (Trinidad) |
Ribeira |
Ribeira |
1 (Adrián Montero) |
Trinidad Pouso Millán |
|
Arbore Senlleira |
Sofía e Loaira (Mapa interactivo Catoira) |
Catoira |
Catoira |
2 (Sofía Vidal Sumay, Loaira Tejero Gómez) |
Javier Vidal Coira |
|
Proxecto Serea |
Estrela Michelín (As Estrelas da cociña galega) |
Sigüeiro (Oroso) |
Sigüeiro (Oroso) |
3 (Antonio Figueira Portela, Noé Giadás, Adriana Couselo Benítez) |
María Dolores Portela |
|
Proxecto Serea |
Sabela González (Bolboreta) |
Barreiros |
Barreiros |
1 (Sabela Fernández González) |
Inmaculada González
|
|
E-trasnada |
Vexeta nutricionista (Meiga contra personaxe fantástico) |
A Cañiza |
A Cañiza |
4 (Óscar Tenreiro, Ismael Sendín, Xoel Sendín Soto, Stefan Markus Prenger) |
Martín Tenreiro
|
O equipo gañador do premio principal Xigante Argalleiro, "Maximiño" da Coruña, adscrito á Aula CeMIT de Fisterra, presentou un xogo para coñecer a historia, patrimonio, xeografía, igualdade e diversidade de Galicia. Para a súa construción, empregaron varias tecnoloxías e técnicas: madeira, NFC, cortadora láser, a radio, internet e reciclaxe. Todos os equipos gañadores recibiron un diploma acreditativo e un agasallo.