Practicamente todas as capitais de España, menos unha, converteranse este mércores no escenario de reclamacións do gremio profesional e universitario dos informáticos, molestos contra os plans de estudo do Ministerio de Ciencia e Innovación e, ante a falta de recoñecemento e catalogación do Ministerio de Industria. A de mañá non será a única manifestación. Os informáticos xa convocaron unha nova asemblea para o día 22, que podería conducir a unha folga de dous días.

Revolución, coñecido tema de Amaral, e as súas letras, serán o estandarte literario dun grupo de máis de 150.000 persoas que se manifestarán a partir das doce da mañá en cincuenta e tres cidades de España.

Estudantes de diferentes graos e enxeñeiros informáticos no exercicio da súa profesión, "xa non aguantan máis". No seu manifesto "Por unha informática digna" detallan os agravios aos que se ven sometidos por falta de recoñecemento, tanto no seu catálogo de competencias -como revelan a ausencia de fichas técnicas ante o novo Plan de Bolonia-, como no desempeño laboral, onde critican a intromisión exercida por outras titulacións, así como a falta de recoñecemento salarial.

As manifestacións partirán na súa maioría dende os campus universitarios percorrendo un itinerario que conducirá a centos de miles de estudantes e traballadores ata as subdelegacions do Goberno, lugar no que elevarán as súas queixas. (Consulte os itinerarios en www.huelgainformaticos.com)

No caso de Madrid, a manifestación partirá dende o mesmo Ministerio de Industria, sito na rúa Albacete, esquina con Condesa de Venadito.

Folga no sector

Os universitarios non serán os únicos en saír á rúa. Os enxeñeiros e técnicos en Informática únense aos estudantes, indo ademais á folga, se ben é certo que cada un de distinta forma.

Porque non todos poden convocar unha folga de xeito transparente, xa que é necesario que o 33% do persoal nas empresas proveñan do sector afectado, neste caso os informáticos.

Así que, paradoxalmente, segundo fontes de Ecodiario.es, moitos deles veranse obrigados a solicitar día de asuntos propios. Outros, como en Asturias, non terán que que reclamar ningún favor á empresa, pois a folga se convocou a nivel rexional.

Este dixital puido saber que os profesionais do ramo xa convocaron unha nova Asemblea Nacional para o próximo día 22 de novembro en Salamanca, na que debaterán problemas como estes ante a falta de sindicatos e tamén a posibilidade de convocar unha nova folga, aínda que esta vez para dous días.

"E o movemento e as demandas seguen", relata a plataforma www.huelgainformaticos.com a Ecodiario.es. "Este -abundan- é un problema histórico que se perpetúa dende fai 18 promocións. Seguimos sen que as titulacións estean reguladas, e por ende continúa a intromisión e a falta de recoñecemento profesional... A xente está queimada", aseveran.

Fronte a Industria

O último acontecido a semana pasada no Senado non aplacou os ánimos. Colexios profesionais de Informática, tanto de enxeñeiros como técnicos, lograban o apoio en comisión de todos os partidos políticos do arco da Cámara Alta. "Algo histórico", considera a plataforma www.huelgainformaticos.com, pero insuficiente. "Porque dende hai tempo, nin o PSOE nin o PP fixeron nada".

"O que fai falta -insisten-, é que o Ministerio de Industria fixe o seu compromiso; o que parece difícil, xa que o secretario de Estado de Telecomunicacións é Francisco Ros, e o secreatario de Coordinación Universitaria é Félix García Lausín, paradoxalmente ambos os dous enxeñeiros de Telecomunicacións", a carreira que entra en liza coa de Informática.

Entre tanto, o gremio agraviado recuerda:"La cuarta parte dos futuros enxeñeiros de España serán informáticos"; "cada ano finalizan os seus estudos 7.200 informáticos", e, "só unha universidade en España non conta con estes estudos". "¿ Son motivos abondos para deixarse oír?", apunta a plataforma.