Os colexios profesionais de Enxeñaría en Informática de ámbito autonómico non poden facer máis que felicitarse por este firme e decidido paso cara á equiparación da Enxeñaría en Informática coas súas homólogas noutras disciplinas, e agradecer encarecidamente a todos os grupos parlamentarios, especialmente a aqueles que iniciaron a tramitación parlamentaria de ambas proposicións, o seu apoio unánime ao recoñecemento no ámbito nacional desta profesión, como elemento crave para contribuír ao desenvolvemento do novo modelo económico de futuro.
No entanto, os colexios profesionais queren chamar a atención sobre o contido destas dúas Proposicións de Lei, solicitando a todos os grupos o seu poio explícito á inclusión no texto final aprobado da disposición final primeira na redacción presentada polo Grupo Parlamentario Popular, na que se insta ao Goberno á inclusión dos representantes da Enxeñaría en Informática no Consello Asesor das Telecomunicacións e da Sociedade da Información (CATSI).
Estas corporacións entenden que dita disposición dá cumprimento a unha das funcións encomendadas aos Consellos Xerais na Lei 2/1974, de 13 de febreiro, sobre Colexios Profesionais, como é a de «participar nos Consellos ou Organismos consultivos da Administración na materia de competencia de cada unha das profesións», no ámbito nacional, á vez que garante o trámite de
audiencia aos profesionais da Enxeñaría en Informática por parte do Goberno, e que dito Consello Asesor vén a suplir en materia de sociedade da información.