O 20 de decembro de 2006 entrou en vigor a Directiva 2006/123/CE do Parlamento Europeo, relativa aos servizos no mercado interior (Directiva de Servizos). Os Estados membros teñen un prazo de transposición de tres anos, ata o 28 de decembro de 2009.
O obxectivo da Directiva é alcanzar un auténtico mercado único de servizos na Unión Europea eliminando barreiras legais e administrativas que limitan as actividades de servizos dos Estados Membros.
É unha grande oportunidade para España e Portugal para reducir moitas trabas en determinados sectores.
Esta nova regulación producirá ganancias en eficiencia, productividade e emprego nos sectores implicados e un incremento da variedade e calidade dos servizos dispoñibles para empresas e cidadáns.
Legalmente, o seu alcance aínda debe concentrarse nalgúns puntos e esta cuestión terá repercusión nas actividades do sector da administración e empresarial, e nas súas relacións, xa que determinará o control xudicial e xurisprudencia posteriores.
Esta Directiva tamén lanza pasos críticos cara unha integración europea máis profunda, cunha cooperación transfronteiriza extremadamente esixente. Están en xogo impedimentos legais e técnicos ademias dos hábitos culturais. As presentacións dos expertos que participarán nestes foros e os intercambios comparativos servirán para dilucidar todas estas cuestións.