O vindeiro luns 4 de febreiro, a partir das 12h, na Sala I do edificio Miralles, celebrarase o acto de entrega de premios da 2ª edición do concurso INCUVI-Emprende. A esta 2ª edición presentáronse 33 proxectos (con máis de 50 participantes), entre os que se outorgarán 8 premios (6 no Campus de Vigo e 2 no Campus de Pontevedra).
Santiago de Compostela, 30 de xaneiro de 2013. Moitos dos sistemas de intelixencia artificial dos que dispomos na actualidade foron deseñados emulando modelos presentes na natureza; perante as esixencias da súa contorna, os seres vivos e os organismos biolóxicos víronse na obriga de desenvolver os seus propios sistemas de resolución de conflitos, que tenden a ser (a diferenza do enfoque tradicional da enxeñería humana) adaptables, distribuídos e cooperativos. O deseño e a aplicación de métodos de computación que reproducen ou imitan os principios biolóxicos da natureza, dan lugar á área de intelixencia artificial coñecida como «Computación BioInspirada».
Membros da xunta de goberno do Colexio Profesional de Enxeñaría en Informática de Galicia (CPEIG) mantiveron o venres pasado, día 25 de xaneiro, un xantar de traballo en Santiago de Compostela con representantes das empresas e entidades patrocinadoras da cuarta edición da Noite da Enxeñaría en Informática de Galicia.
O CPEIG quixo agradecerlles ás empresas patrocinadoras e á Axencia Galega de Modernización Tecnolóxica de Galicia (AMTEGA) o seu apoio e tamén recoller suxestións sobre a organización da vindeira Noite da Enxeñaría en Informática. Así mesmo, os membros do CPEIG convidaron aos patrocinadores a que acheguen artigos e traballos para seren publicados na revista TIG@, nova publicación do ente colexial.
