- Convocatoria de Economía do dato e Contidos dixitais. Esta convocatoria persegue financiar proxectos de empresas baseados no desenvolvemento tecnolóxico sobre os seguintes contidos dixitais: posta a disposición de datos de forma masiva e en formatos reutilizables, tratamento de datos aplicado á mellora da asistencia sanitaria e ás crises sanitarias, videoxogos, publicidade dixital, redes sociais e aplicacións móbiles, entre outros. Dotación orzamentaria do programa: 15 millóns de euros.

O Consejo General de Colegios Oficiales de Ingeniería en Informática (CCII) publica unha nova enquisa sobre Intelixencia Artificial debido ao cambio no que a sociedade se viu inmersa durante estes meses, para ver as súas percepcións actuais

Accede á enquisa: http://mtr.cool/btgkqtnjhz

O Colexio de Enxeñaría en Informática de Galicia (CPEIG) organiza en colaboración con Euro-Funding un webinar sobre oportunidades de financiamento para o sector tecnolóxico. A sesión celebrarase o 11 de xuño ás 11:00 horas. 

Na súa edición de 2020, os Premios de Investigación da Sociedad Científica Informática de España (SCIE) – Fundación BBVA distinguen a varios investigadores galegos: 

-A empresa TORUSWARE obtivo o Premio Ramón Llull. O CPEIG ofreceu o seu respaldo a esta candidatura enviando á organización dos premios unha "Carta de apoio" 

A escola de negocios Thepowermba oferta dous masters de negocio e de marketing dixital nos que se aprenderá cos emprendedores e directivos de máis éxito no mundo, en clases online de 15 minutos e a prezos reducidos. 

A oferta é para a convocatoria de xuño, con data de inicio do día 24. O prazo de inscrición finalizará o 22 de xuño. O prezo sería de 450 euros en lugar de 499, grazas a un desconto de 49 euros para colexiados e colexiadas. As persoas interesadas en cursar esta formación débense poñer en contacto co CPEIG.

O CPEIG conmemora o Día Mundial de Internet, nun momento no que a informática é un elemento estratéxico anticrise para combater a pandemia do COVID-19

As novas tecnoloxías convertéronse nos mellores aliados para manter o contacto con seres queridos, traballar, estudar ou para entretemento

O Colexio Profesional de Enxeñaría en Informática de Galicia (CPEIG) e Wellness TechGroup organizan o vindeiro xoves, 14 de maio, un webinar gratuíto sobre "Estratexia de ciberseguridade en tempos de crise", ás 17:00 horas. Estará  impartido polo Technical Cybersecurity Manager de Wellness TechGroup, Ismael Morales Alonso, e contará como anfitrión con Fernando Suárez Lorenzo, presidente do CPEIG. 

O Buscador de normas ISO, ASTM, IEC e IEEE – https://www.aenor.com/normas-y-libros/buscador-de-normas – é un servizo AENORmás polo que se pode acceder á Biblioteca on-line de Normas creada polo Consejo General de Colegios Oficiales de Ingeniería en Informática (CCII). 

O Instituto Atlántico de Gobierno (IADG) e Syntagma (Centro de estudios estratégicos) organizan un novo curso executivo: "Ciberseguridade. Claves e tendencias 2020", cun programa deseñado para que profesionais dos ámbitos público e privado analicen as novidades lexislativas e tendencias que 2020 está deparando neste campo. 

O curso, na modalidade on line, celebrarase entre os días 25 e 29 de maio. Os colexiados e colexiadas do CPEIG terán un 15% de desconto. 

Apraza a celebración do evento máis destacado da informática en Galicia, previsto para o mes de xuño, polo estado de alarma pola pandemia do Covid-19